தொடர்ந்து 48 மணி நேரம் நடித்த குத்தாட்ட நடிகைக்கு மாரடைப்பு

0
27

நடிகையும், டிவி நிகழ்ச்சி தொகுப்பாளருமான கெஹனா வசிஸ்த் வெப் தொடரில் நடித்துக் கொண்டிருந்தபோது மாரடைப்பு ஏற்பட்டு மருத்துவமனையில் உயிருக்கு போராடிக் கொண்டிருக்கிறார்.

தமிழ், தெலுங்கு, இந்தி படங்களில் நடித்து வருபவர் கெஹனா வசிஸ்த்(31). பேய்கள் ஜாக்கிரதை படத்தில் ஒரு பாடலுக்கு குத்தாட்டம் போட்டுள்ளார் கெஹனா. அவர் இந்தி தொலைக்காட்சி தொடரில் நடித்ததுடன் டிவி நிகழ்ச்சிகளை தொகுத்து வழங்கியுள்ளார். அவர் தற்போது வெப் தொடர் ஒன்றில் நடித்து வந்தார். தொடர்ந்து 48 மணிநேரம் அவர் நடித்துள்ளார்.

சரியாக சாப்பிடாமல் நடித்துக் கொண்டிருந்தபோது அவருக்கு மாரடைப்பு ஏற்பட்டது. இதையடுத்து மும்பையில் உள்ள ரக்ஷா மருத்துவமனையில் அனுமதிக்கப்பட்டுள்ளார். தீவிர சிகிச்சைப் பிரிவில் இருக்கும் கெஹனா உயிருக்கு போராடிக் கொண்டிருக்கிறார். சர்க்கரை நோய்க்கான மருந்துகள் எடுத்த கெஹனா எனர்ஜி டிரிங்ஸ் குடித்துக் கொண்டே இருந்தது தெரிய வந்துள்ளது.

கெஹனாவுக்கு சிகிச்சை அளிக்கும் டாக்டர் பிரனவ் கப்ரா கூறியதாவது, கெஹனாவுக்கு சர்க்கரை நோய் உள்ளது. அவரின் ஷுகர் அளவு அதிகமாக உள்ளது. மேலும் ரத்த அழுத்தம் மிகவும் குறைந்துள்ளது. அவர் சர்க்கரை நோய் மற்றும் சில பிரச்சனைகளுக்கு மருந்து சாப்பிட்டு சில எனர்ஜி டிரிங்ஸ் குடித்துள்ளார். அவருக்கு மூச்சுவிடும் பிரச்சனை உள்ளது. அதனால் சுவாசக் குழாய் பொருத்தப்பட்டுள்ளது என்றார். கெஹனாவின் நிலைமை மோசமாக இருப்பது திரையுலகினரை அதிர்ச்சி அடைய வைத்துள்ளது.

Please wait...

LEAVE A REPLY

Please enter your comment!
Please enter your name here