பா.ரஞ்சித் படத்தில் மீண்டும் அவதாரம் எடுக்கும் ரஜினி!

ரஜினியை வைத்து அடுத்த படத்தை இயக்க இருக்கும் பா.ரஞ்சித் மும்பையை கதைக்களமாக தேர்வு செய்திருப்பதாக தகவல் வெளியாகியுள்ளது.

கபாலி மாபெரும் வெற்றிக்கு பிறகு ரஜினிகாந்த் தற்போது ஷங்கர் இயக்கத்தில் 2.0 படத்தில் நடித்து வருகிறார். 2.0 படத்திற்கு பிறகு மறுபடியும் பா.ரஞ்சித் இயக்கத்தில் தனுஷ் தயாரிப்பில் ரஜினிகாந்த் நடிக்க இருப்பதாக ஏற்கனவே அறிவிப்பு வெளியாகி இருந்தது. இந்நிலையில் இயக்குநர் பா.ரஞ்சித் தனது அடுத்த கதைக்களத்திற்கு மும்பையை தேர்வு செய்திருப்பதாக தகவல் வெளியாகியுள்ளது.

மும்பையில் வாழும் அடித்தட்டு மக்களுக்காக ரஜினி போராடுவது போல் கதை அமைக்கப்பட்டுள்ளதாம். பட அறிவிப்பு வெளியான நாள் அன்றே எந்த மாதிரியான கதைக்களம் என்று ரஞ்சித்திடம் கேட்கப்பட்டு வந்த நிலையில், பாட்ஷாவை நினைவு படுத்துவது போல் மும்பை கதைக்களம் என்று தகவல் வெளியாகியுள்ளது. இதற்காக ரஞ்சித் சமீபத்தில் மும்பை சென்று லொகேஷன் பார்த்து திரும்பியிருக்கிறார்.

You might also like More from author