சந்தானம்-செல்வராகவனின் ‘மன்னவன் வந்தானடி’ முதல் பார்வை

சென்னை: செல்வராகவன் இயக்கத்தில் சந்தானம் நடிக்கவிருக்கும் ‘மன்னவன் வந்தானடி’ படத்தின் முதல் பார்வை போஸ்டர் வெளியாகியுள்ளது.

கிளாஸ்க் தலைப்புகளை படத்திற்கு தேர்வு செய்வதில் தனித்துவம் வாய்ந்த இயக்குனர் செல்வராகவன், சந்தானம் நடிக்கும் படத்திற்கு ‘மன்னவன் வந்தானடி’ என தலைப்பிட்டிருக்கிறார். செல்வராகவனின் இயக்கத்தில் ரசிகர்களுக்கு மிகவும் பிடித்த காதல் கதைக் களத்தில் இப்படம் உருவாகவிருக்கிறது. இப்படத்தில் சந்தானத்துக்கு ஜோடியாக மராத்திய நடிகை ஆதிதி போஹன்கர் ஒப்பந்தம் செய்யப்பட்டுள்ளார்.

மேலும், இப்படத்தில் சந்தானத்தின் தோற்றம், நடிப்பு உட்பட அனைத்தும் முற்றிலுமாக மாறுபட்டு இருக்கும் என படக்குழுவுக்கு நெருங்கிய வட்டாரம் தகவல் தெரிவித்துள்ளது.

இம்மாதம் தொடக்கத்தில் துவங்கிய இப்படத்தின் முதற்கட்ட படப்பிடிப்பு ஹைதராபாத்தில் உள்ள ராமோஜி ராவ் ஃபிலிம் சிட்டியில் நடைபெற்றது. இதனைத் தொடர்ந்து பொங்கல் பண்டிகை முடிந்தப்பின்னர் சென்னையில் 15 நாட்கள் படப்பிடிப்பு நடைபெறும் என்றும், பிப்ரவரி மாதம் இரண்டாம் கட்ட படப்பிடிப்பில் இடம்பெறும் 2 பாடல் காட்சிகள் நியூயார்க், ப்ரூக்லின் ஆகிய இடங்களில் படமாக்கப்படவிருப்பதாக படக்குழு தரப்பில் தெரிவிக்கப்பட்டுள்ளது.

You might also like More from author