குடியரசு தின விழாவில் முதலமைச்சர் ஓ.பி.எஸ் கொடியேற்றும் !

222

குடியரசு தின விழாவில் கொடியேற்றும் முதலமைச்சர் என்ற பெருமை ஓ.பி.எஸ்க்கு கிடைத்துள்ளது.

ஆண்டுதோறும் சுதந்திர தின விழாவன்று, முதலமைச்சர் கொடியேற்றுவார். அதேபோல் குடியரசு தினத்தன்று, ஆளுநர் கொடியேற்றுவார். இந்நிலையில் தமிழகத்தில் தற்போது பொறுப்பு ஆளுநராக இருப்பவர் வித்யாசாகர் ராவ். இவர் மகாராஷ்டிர மாநிலத்தின் ஆளுநராக செயல்பட்டு வருகிறார்.

 அதனால் நாளை நடைபெறும் குடியரசு தின விழாவில், மகாராஷ்டிராவில் நடைபெறும் நிகழ்ச்சியில் கொடியேற்றுகிறார். இந்த சூழலில் தமிழகத்தின் முதலமைச்சராக உள்ள ஓ.பன்னீர்செல்வத்திற்கு அந்த வாய்ப்பு கிடைத்துள்ளது. அவர் நாளை கோட்டையில் நடைபெறும் விழாவில் கொடியேற்றி வைக்கிறார். தமிழகத்தில் குடியரசு தின விழாவில் முதல் முறையாக கொடியேற்றி வைக்கும் முதலமைச்சர் என்ற பெருமையை ஓ.பன்னீர்செல்வம் பெறுகிறார்.



Leave a Reply

Your email address will not be published. Required fields are marked *