விஜய் சேதுபதி அடுத்த படம் கருப்பன்!

152
நடிகர் விஜய் சேதுபதியின் காலண்டர் கடந்த வருடத்தை போலவே இந்த வருடமும் நிரம்பி இருக்கிறது. பொங்கலுக்கு இவர் நடித்த புரியாத புதிர் வெளியாவதன் மூலம் இந்த வருடத்திற்கான இவரது கணக்கு தொடங்குகிறது. இந்த வருடமும் அதிக படங்கள் நடிக்க வேண்டும் என்று முனைப்புடன் இருக்கும் இவர் கவண், விக்ரம் வேதா, அநீதிக்கதைகள் என அடுத்தடுத்து படங்களை நடித்து வருகிறார். அதில் ரேணிகுண்டா படத்தின் மூலம் வெகுவாக அறியப்பட்ட இயக்குநர் பன்னீர் செல்வத்தின் கருப்பன் என்ற படத்தில் நடிக்கிறார். இந்தப்படத்தின் கதைக்களம் மதுரையை சுற்றி நடப்பது போல் அமைக்கப்பட்டுள்ளது. குறிப்பாக கருப்பன் படத்தில் விஜய் சேதுபதி ஜல்லிக்கட்டு மாடு பிடி வீரனாக நடிக்க இருக்கிறார். தற்போது தமிழகமெங்கும் பாரம்பரிய விளையாட்டான ஜல்லிக்கட்டுக்கு ஆதரவாக போராட்டம் நடைபெற்று வரும் இவ்வேளையில் கருப்பன் படம் குறித்த செய்தி வெளியாகியுள்ளது. விஜய் சேதுபதிக்கு ஜோடியாக லட்சுமி மேனனை ஒப்பந்தம் செய்துள்ளனர். வருகின்ற 17ஆம் தேதி இப்படத்தின் படப்பிடிப்பு மதுரையில் தொடங்கவுள்ளது.



Leave a Reply

Your email address will not be published. Required fields are marked *