‘துருவங்கள் பதினாறு’- திரை விமர்சனம் சினிமா விமர்சனம்

250
நடிகர்கள்ரஹ்மான் , டெல்லி கணேஷ் , பிரகாஷ் , சந்தோஷ்கிருஷ்ணா , கார்த்திகேயன் , ப்ரவீன் , யாஷிகா , பாலா ஹாசன் , வினோத் வர்மா , பிரதீப், அஞ்சனா ,ஷரத்குமார்
இயக்கம்கார்த்திக் நரேன்
சினிமா வகைCrime
கால அளவு105

கரு : கொலை மற்றும் விபத்து பற்றிய விசாரனையே கரு.

கதை: ஊட்டி எனப்படும் உதகமண்டலப் பகுதியில் ஒரு அடை மழை நள்ளிரவில் , நடு ரோட்டில் ஒரு வாலிபர் துப்பாக்கியால் தற்கொலை செய்துக்கொண்டு கிடக்கிறார். அதே நாளில் அதே ஏரியாவில. அடுக்குமாடி குடியிருப் பொன்றில் தோழியுடன் வசித்து வந்த இளம் பெண் ஒருவரும் மாயமாகி இருக்கிறார். அவரது அறை முழுதும் இரத்தம் தெறித்துக் கிடக்கிறது.

ஆனால் , அது அந்த இளம் பெண்ணின் இரத்தம் இல்லை… அதே நாளில் அதே பகுதியில், அதே நேரத்தில் மூன்று இளைஞர்கள் குடித்துவிட்டு கார் ஓட்டி வந்து ., ரோட்டை கடக்க முயலும் வாலிபர் ஒருவர் மீது காரை ஏற்றி விட்டு அதில் அடிபட்டு பிணமானவனை தங்களது கார் டிக்கியிலேயே தூக்கி போட்டுக் கொண்டு போய் ., வீட்டில் நிறுத்திவிட்டு வந்து பார்த்தால் பிணத்தை காணாது திகைக்கின்றனர்.

எந்த சம்மந்தமும் இல்லாத மாதிரி ரசிகர்களுக்கு வெவ்வேறு கோணங்களில் காட்டப்படும் இந்த மூன்று சம்பவங்களுக்கும் என்ன மாதிரி சம்பந்தம் இருக்கிறது ..? என்பதும் .,அதை தன் காலை இழந்து காவல்துறை ஆய்வாளர் தீபக் எனும் ரஹ்மான் எவ்வாறு கண்டுபிடிக்கிறார்…? என்பதையும் ., கொலையாளி யார் ? என்பதையும் வித்தியாசமாகவும் விறுவிறுப்பாகவும் கூடவே செம சஸ்பென்ஸ், கிரைம், திரில்லராகவும் … சொல்லியிருக்கிறது ‘துருவங்கள் பதினரறு ” படத்தின் கதை ஆகும்.

காட்சிப்படுத்தல் : சற்று நீண்ட இடைவெளிக்குப் பின் ரஹ்மான் , கதாநாயகராக காவல் ஆய்வாளராக நடிக்க., அவருடன் டெல்லி கணேஷ் உள்ளிட்ட ஒரு சில பழகிய முகங்களும் ., பிரகாஷ் , சந்தோஷ்கிருஷ்ணா , கார்த்திகேயன் , ப்ரவீன் , யாஷிகா , பாலா ஹாசன் , வினோத் வர்மா , பிரதீப், அஞ்சனா ,ஷரத்குமார் உள்ளிட்ட புதுமுகங்களும் நடிக்க ., கார்த்திக் நரேனின் எழுத்து , இயக்கம் மற்றும் தயாரிப்பில் ‘செம சஸ்பென்ஸ், கிரைம், திரில்லர் படம்’ என்ற சொல்லுக்கு எடுத்துக் காட்டாக வந்திருக்கிறது ‘துருவங்கள் பதினாறு’.

முதல் காட்சியில் இருந்து கடைசிவரையிலும் அடுத்தது என்ன..? அடுத்து என்ன..? கொலைக்கும் , கடத்தலுக்கும் , யார் தான் காரணம்..? என்ற தேடலை ரசிகனுக்குள்ளேயும் புகுத்தி கச்சிதமாக படத்தை நகர்த்தியிருக்கிறார் அறிமுக இயக்குநர் கார்த்திக் நரேன்… என்பதும் ,ரசிகனை படுத்தாத காட்சிப்படுத்தல்களும் …. “துருவங்கள் பதினாறு ” படத்தை எட்டு திக்கும் வெற்றி முரசு கொட்ட வைக்கும்!

கதாநாயகர் : ரஹ்மான் , கதாநாயகராக, ஸ்டைலான சற்றே புதிரான காவல் ஆய்வாளராக கச்சிதமாக நடித்திருக்கிறார்.

கதாநாயகி : கதாநாயகி , கதாநாயகியர் என்று படத்தில் பெரிதாக யாருமில்லை .

பிற நட்சத்திரங்கள் : ஒரேமகனை விபத்தில் இழந்த விஷயத்தை மனைவியிடம் எவ்வாறு சொல்வது என புலம்பிய படியே செல்லும் வயதான தகப்பனாக டெல்லி கணேஷ் கொஞ்ச நேரமே வந்தாலும் நெஞ்சில் நிற்கிறார். அவரை மாதிரியே .,அறிவுஜீவி கான்ஸ்டபிளாக ரஹ்மானுக்கு உதவும் பிரகாஷ் , பாபியன் – சந்தோஷ்கிருஷ்ணா , மெல்வின் -கார்த்திகேயன் , மனோ -ப்ரவீன் , ஸ்ருதி-யாஷிகா , பிரேம் -பாலா ஹாசன் , க்ருஷ் -வினோத் வர்மா , ஹெட் கான்ஸ்டபிள் ராஜன் -பிரதீப், வைஷ்ணவி – அஞ்சனா , நியுஸ் பேப்பர் பாய் -ஷரத்குமார் உள்ளிட்ட புதுமுகங்களும் ., பழகிய முகங்கள் மாதிரியே பக்காவாய் பளிச்சிட்டிருக்கின்றனர் பலே , பலே.

தொழில்நுட்பகலைஞர்கள் : ஸ்ரீஜித் சாரங்கின் படத்தொகுப்பும் , டி.ஐ யும் தமிழ் சினிமாவுக்கு முற்றிலும் புதுசு.,சுஜித் சாரங்கின் ஒளிப்பதிவு அடை மழை இருட்டிலும் ,மிளிரும் மிரட்டல் ஓவியப்பதிவு !

ஜேக்ஸ் பிஜாய்யின் மிரட்டல் பின்ணணி இசை இப்படத்திற்கு மதிப்பை மேலும் , மேலும் கூட்டுகிறது.

பலம் : “துருவங்கள் பதினாறு ”’ எனும் டைட்டிலுக்கு ஏற்ற கொலை விசாரணைகதை .

பலவீனம் : சஸ்பென்ஸ் வேண்டுமென்பதற்காக படமாக்கப்பட்டிருக்கும் வழக்கமான க்ளைமாக்ஸ்!

இயக்கம் : கார்த்திக் நரேனின் எழுத்து , இயக்கம் மற்றும் தயாரிப்பில் ., ஒரு சில லாஜிக் குறைகள் , மீறல்கள் ஆங்காங்கே படத்தில் தென்பட்டாலும் ., ஒரு மாதிரி , சஸ்பென்ஸ், கிரைம், திரில்லர் டைப் படங்கள் என்று சொல்லிக் கொண்டு இது எதுவுமே இல்லாமல் பல திரைப்படங்கள் வெளிவந்து நம்மைசோதனைக்குள்ளாக்கிய நிலைமையில் இப்போது வந்திருக்கும் உண்மையான திரில்லிங் மூவி யாக ஜொளிக்கிறது “துருவங்கள் பதினாறு ” திரைப்படம் … என்பது பெறும் ஆறுதல்!

பைனல் “பன்ச் ” : =”துருவங்கள் பதினாறு ‘ – ‘நிச்சயம்., பெரிதாய் ஜெயிக்கப்போகுது பாரு..!”




Leave a Reply

Your email address will not be published. Required fields are marked *